Быстах хомуур: Ханнык категориялаахтар хапсалларый?

Дойду бэрэсидьиэнин быстах кэмнээх хомууру биллэрэр туһунан ыйааҕар олоҕуран, үгүс ыйытыы киирэр. Уустук балаһыанньа кэмигэр дьон бэйэтин быраабын  билэрэ сөптөөх.

“Объясняем.рф” саайт итинник ыйытыыларга маннык хоруйдаабыт:

— Доруобуйаларын туругунан ханнык категориялаахтар быстах кэмнээх хомуурга хапсалларый?

Доруобуйатын туругунан байыанннай сулууспаны ааһар кыахтааҕын быһаарар биэс категория баар:

• А – байыаннай сулууспаҕа сөптөөх
• Б – кыратык хааччахтардаах эрээри, байыаннай сулууспаҕа сөптөөх
• В – байыаннай сулууспаҕа хааччахтаах (ограниченно) сөптөөх
• Г – байыаннай сулууспаҕа быстах кэмҥэ барбат
• Д – байыаннай сулууспаҕа сөбө суох

Бу буукуба байыаннай билиэккэ сурулла сылдьар буолар. Быстах кэмнээх хомуур кэмигэр А, Б, В категориялаахтар хапсаллар.

Хаартыскаҕа: тустаах саайтан