Быстах хомуур: кэрэ аҥаардар бэргэһэ, суумка тигэллэр

Бу күннэргэ Нам улууһун кэрэ аҥаардара   быстах хомуурга ыҥырыллыбыт биир дойдулаахтарыгар  анаан аптечка суумкатын, бэргэһэ тигиитин  саҕалаатылар.

Партизан нэһилиэгиттэн баһылык солбуйааччыта Полина Скрябина салайыытынан 9 кэрэ аҥаар суумка тигэн көмөлөстүлэр.

— Нам сэлиэнньэтиттэн үтүө санааланыы аахсыйатыгар  бэйэлэрин кылааттарын киллэрбит Иванова Натальяҕа, Захарова Анастасияҕа, Захарова Натальяҕа махтанабыт! Намтан амарах санаалаах Николаева Василиса Васильевна 15 устуука суумка тигэн көмөлөстө. 2 күн устата үтүө санаалаах бар дьоммут, кэрэ аҥаардарбыт, сынньанар диэни билбэккэлэр, 37 балаклава бэргэһэ, 100 устуука эмп угар суумка тигэн бэлэмнээтилэр, — диэн «Нам улууһа» МТ пресс-сулууспата иһитиннэрдэ.