Быстах хомуур кыттыылаахтарыгар кирэдьиит каникулун туһунан сокуон ылыллыбытын туһунан этилиннэ.
Иккис ааҕыыга бу сокуонунан кимнээх туһаналлара чопчуланна.
Пленарнай мунньахха иккис уонна үһүс ааҕыыларга быстах кэмнээх хомуур чэрчитинэн киирбит уларыйыыларынан, байыаннай сулууспаҕа ыҥырыллыахтарын иннинэ кирэдьиит ылбыт дьоҥҥо кирэдьиит каникулун олохтуохтарын сөп. Ону сэргэ бу быраап дьиэ кэргэн чилиэннэригэр, кэргэннэрин киллэрэн туран, ону тэҥэ кинилэр көрүүлэригэр баар дьоҥҥо туһаныллар.
Бу көннөрүүлэри бары фракциялартан дьокутааттар уонна РФ сенатордара киллэрдилэр.
Сокуон бырайыагар сөп түбэһиннэрэн, баантан иэс ылбыт байыаннай сулууспалаах кирэдьиити биэрээччиттэн дуогабарын усулуобуйатын уларытар туһунан ирдиир бырааптаммыт. Ол эбэтэр, байыаннай сулууспа болдьоҕун иһинэн эбэһээтэлистибэни толорууну тохтотор, эбэтэр чэпчэтии оҥоһуллар кэмигэр төлүүр кээмэйин аччатар туһунан.
Маны дуогабар болдьоҕун устата ханнык баҕарар кэмҥэ оҥотторуохха сөп, ол эрээри 2023 сыл ахсынньы 31 күнүн аһарбакка уонна бу ылбыт кирэдьиитинэн уһатан төлөөһүн урут көрүллүбэтэх буоллаҕына. Каникуллар балаҕан ыйын 21 күнүттэн олохтонуохтарын син. “Биир кирэдьииккэ биир каникул” диэн хааччахтааһын быстах хомуурга хапсыбыт дьоҥҥо тарҕаммат.
Иккис ааҕыыга сокуоҥҥа кимнээх сөп түбэһэллэрэ чопчуланна: хомуурга хабыллыбыттары тэҥэ хантараагынан сулууспалааччылар уонна баҕа өттүлэринэн барбыт дьон. Кирэдьиит каникулун Оборона министиэристибэтин сэргэ Росгвардия, ЫБМ, ФСБ уонна кэккэ сулууспалары кытта хантараактаспыттар толотторуохтара. Сокуон РФ сиригэр-уотугар анал дьайыыга (СВО-ҕа) кыттар пограничниктарга эмиэ туһаныллар. Урбаанньыттар эмиэ уһатар кыахтаннылар.
Кирэдьиити төлүүртэн босхолонууга кирэдьииттээх киһи бу Орто дойдуттан туораатаҕына биитэр бастакы группалаах инбэлииккэ таҕыстаҕына, кирэдьиитэ толору сотуллар.
РФ Судаарыстыбаннай Дууматын саайтыттан
Хаартыскаҕа: тустаах саайтан
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…