Быстах хомуур туһунан “122” быһа линияттан бил

Арассыыйаҕа “122” суһал линия мантан инньэ быстах хомуур туһунан ыйытыыларга хоруйдуоҕа.

«РФ бэрэсидьиэнин ыйааҕынан уонна бырабыыталыстыба бэрэссэдээтэлин сорудаҕынан “122” быһа линияны быстах хомуур боппуруостарыгар иһитиннэриилэри биэрэргэ кытыннарыахпыт”, — диэн РФ вице-премьерэ Дмитрий Чернышенко иһитиннэрдэ.

Сулууспа эрэгийиэннэргэ барытыгар үлэлиир. Эрэгийиэннэргэ колл-кииннэр өрөбүлэ суох үлэлээн, нэһилиэнньэ ыйытыыларыгар сөптөөх хоруйу биэрэргэ сүбэ-ама, ыйыы-кэрдии ыллылар.

Быһа линияҕа аҕыйах хонук иһигэр 200 000 ыйытыы киирдэ.

Ону таһынан быстах хомуур туһунан иһитиннэриилэри бырабыыталыстыба «Объясняем.РФ» нөҥүө билиэххэ сөп.