Быстах хомуурга алҕас ыытыллыбыт 300 киһи төннөрүлүннэ

СӨ Уопсастыбаннай палаататын координационнай киинигэр быстах хомуур боппуруоһунан   209 сайабылыанньа киирбитин туһунан брифинг кэмигэр бэрэссэдээтэл Николай Бугаев иһитиннэрдэ. Ол курдук,  бүгүҥҥү туругунан быстах хомуурга алҕас ыытыллыбыт 300 киһи байыаннай чаастартан төннөн кэлбиттэр. 

-Военкоматтарга быраас хамыыһыйалара аһылыннылар. Манна бастакы мэдиссиинискэй көрүү ыытыллар. Маны таһынан мобилизацияламмыттарга көмөлөһөр сыаллаах ыстаап салгыы үлэлиир.  Хабаровскай уонна Приморскай кыраайдарга утуйар таҥас-сап  (спальник), эбии   экипировка ыытылынна. Уопсастыбаннай палаата икки бэрэстэбиитэлэ туһааннаах кыраайдарга үлэлиир, – диэн Уопсастыбаннай палаата бэрэссэдээтэлэ кэпсээтэ.

Координационнай киин аадырыһа: Дьокуускай куорат, Курашов уул., 24,  401 кэбиниэт. Төлөпүөн: 8 (4112) 507-366.