Айсен Николаев байыаннай сулууспалаах, быстах хомуурга барбыт уонна баҕа өттүнэн хантараагынан барбыт, 2022 сыл олунньу 24 күнүттэн РФ Байыаннай күүстэрин састаабыгар анал сорудахтары толорууга кыттар дьон дьиэ кэргэттэригэр өйөбүлү оҥорорго сорудахтаата.
Бу туһунан өрөспүүбүлүкэ бырабыыталыстыбатын вице-премьерэ Ольга Балабкина «Якутия 24» телевидение ханаалыгар «Актуальное интервью» биэриигэ иһитиннэрдэ.
«Ил Дархан Айсен Николаев анал байыаннай эпэрээссийэҕэ сылдьар байыаннай сулууспалаахтар ийэлэрин уонна кэргэттэрин кытары көрсүһүүтүгэр хантараагынан барбыт сулууспалаахтар дьиэ кэргэннэригэр чэпчэтиилэри көрөргө этии киирбитэ. Ил Дархан бу этиини өйөөн, бырабыыталыстыбаҕа сорудахтаабыта», -– диэтэ Ольга Балабкина.
Санатан эттэххэ, Айсен Николаев байыаннай сулууспалаахтар уонна быстах хомуурга барбыт дьон дьиэ кэргэнин өйүүр дьаһаллары ылбыта. Ол:
-200 тыһыынча суумалаах биир кэмнээх көмө;
-Оҕо аҕата эбэтэр оскуонунан билиниллэр бэрэстэбиитэлэ быстах хомуурунан байыаннай сулууспаҕа сылдьар кэмигэр оҕо уһуйааныгар сылдьар төлөбүрүттэн босхолооһун уонна уопсай үөрэхтээһин оскуолаларын 5-11 кылаастарын үөрэнээччилэригэр босхо аһылык;
-6-18 саастаах оҕолоругар чэбдигирдэр лааҕырдарга босхо путевкалар;
-Өрөспүүбүлүкэ судаарыстыбаннай бүддьүөтүн үбүн суотугар үрдүк уонна орто үөрэхтэргэ тус сыаллаах босхо үөрэтии;
-Төрөппүтэ быстах хомуурунан байыаннай сулууспаҕа сылдьар кэмигэр үрдүк уонна орто үөрэх тэрилтэлэрин устудьуоннарыгар үрдүк истипиэндьийэлэри анааһын уонна байыаннай сулууспалаах төрөппүттэрэ санаторийга, курортка эмтэниилэрин хааччыйыы.
«Өйөбүл бары дьаһаллара МФЦ нөҥүө «биир түннүк» биир кэлим супер-сиэрбиһинэн уонна СӨ судаарыстыбаннай уонна муниципальнай өҥөлөр е-yakutia.ru порталларын нөҥүө оҥоһуллуохтара (быстах хомуурунан барбыт кэргэттэр, аҕалар уонна уолаттар байыаннай чааска киирбиттэрин кэнниттэн)», -– диэн Ольга Балабкина быһаарда.
Өйөбүл дьаһалларын социальнай көмүскэл органнара, үөрэх тэрилтэлэрэ уонна кыһалара оҥороллор.
Билигин кылгас кэм иһигэр бырабыыталыстыбаҕа бу дьаһаллары олоххо киллэрии бэрээдэгин оҥороллор. Нуорма акталарын туһунан иһитиннэриилэр сонуну киэҥник тарҕатар органнарга бэчээттэниэхтэрэ. Ону таһынан байыаннай сулууспалаахтарга оҥоһуллар өйөбүлү кытта сибээстээх ыйытыылары «122» суһал линия төлөпүөнүгэр биэриэххэ сөп.
(СӨ Ил Дарханын уонна бырабыыталыстыбатын пресс-сулууспатын матырыйаалларынан)
Намнар сыллата маннык үтүө тэрээһини тэрийэн ыыталлар. Бу туһунан улуус дьаһалтатын пресс-сулууспата суруйар. Саха Өрөспүүбүлүкэтин…
Горнай улууһун Солоҕон нэһилиэгэр ханна да буоларын курдук сааскы түбүктэрэ үгүс. Ол курдук, олохтоохтор ыабыт…
Бэҕэһээ Дьокуускайга Саха сирин Волейболга Федерациятын уочарата суох киэҥ ыҥырыылаах мунньаҕа буолла. Мунньахха Федерация бэрэссэдээтэлин…
Уһук хотугу эргимтэҕэ сытар Өлөөн оройуонугар "Кэнчээри" оҕо сайдар киинин иһинэн өрөспүүбүлүкэтээҕи "Эркээйи эргиирэ" пилотнай…
Лиирик-бэйиэт Гавриил Григорьевич Вешников-Баал Хабырыыс хоһооннорунан ырыанньык бэчээттэнэн таҕыста. Саҥа кинигэни бэйиэт төрөөбүт-үөскээбит Курбуһаҕын бибилэтиэкэтэ…
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…