Быстах хомуурга барбыттар дьиэ кэргэттэригэр 200 тыһ. солк. биэрэн саҕалаатылар

Быстах хомуурга барбыттар дьиэ кэргэттэригэр 200 тыһ. солк. биэрэн саҕалаатылар

Ааптар:
12.10.2022, 13:52
Бөлөххө киир:

Дьокуускайга уонна оройуоннарга быстах хомуурга уонна анал байыаннай эпэрээссийэҕэ бэйэ баҕатынан кытта барбыт дьон дьиэ кэргэттэрэ 200 тыһыынча солкуобай кээмэйдээх биир кэмнээх төлөбүрү ылан саҕалаатылар. Бу туһунан СӨ бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.

Кини этэринэн, маныаха сайаапканы түһэрии судургутуйбут. «Туох баар өйөбүл миэрэлэрин «Мин докумуоннарым» элбэх функциялаах киин офистарын сервистэригэр биир түннүктэн булуохха сөп буолла. Маны таһынан судаарыстыбаннай уонна муниципальнай өҥөлөр e-yakutia.ru порталларыгар эмиэ баар. Бастакы төлөбүрдэри Алдан, Мииринэй, Нерюнгри оройуоннарын уонна Дьокуускай олохтоохторо ылан саҕалаатылар», — диэн Ольга Балабкина этэр.

Байыаннай сулууспалаахтар дьиэ кэргэттэрин өйүүр миэрэлэр туһунан ыйытыылары 122 диэн лиинийэҕэ эрийэн билсиэххэ сөп. Хас биирдии сайабылыанньа тус бэрээдэгинэн кылгас кэм иһигэр көрүллэр диэн Ольга Балабкина этэр.

Лента
Салгыы
9 декабря
  • -33°C
  • Ощущается: -33°Влажность: 68% Скорость ветра: 1 м/с