Балаҕан ыйын 21 күнүгэр РФ бэрэсидьиэнэ Арассыыйаҕа быстах хомуур туһунан биллэрбитэ. СӨ бэтэринээрийэтин департамена иһитиннэрбитинэн, маннык суһал хомуурга барбыт ыттаах, куоскалаах хаһаайыттар кыылларын көрүүтэ-истиитэ суох хаалларбаттарын туһугар кинилэр түөрт атахтаах доҕордорун босхо көрүөхтэрэ.
Бу туһунан СӨ бэтэринээрийэҕэ департаменын салайааччы Петр Петров иһитиннэрдэ:
— Ыты иитэр приют эбэтэр быстах кэмҥэ тутар пууну уонна байыаннай хомуурга барыахтаах киһини кытта дуогабар түһэрсиллэр. Бу докумуоҥҥа олоҕуран дьиэ кыыла анал пууҥҥа эбэтэр приютка хаалар. Өрөспүүбүлүкэбитигэр баар приюттар уонна пууннар үксүлэрэ ыттарга анаан оҥоһуллубуттар. Ол да буоллар, куосканы хаалларар сири буларга үлэһиттэр көмөлөһүөхтэрэ.
Бэлиэтээн эттэххэ, өрөспүүбүлүкэ үрдүнэн уопсайа 11 кыылы иитэр приют уонна 10 кыылы быстах кэмҥэ тутар пуун баар. Ол курдук, Дьокуускай куоракка Очиченко уулусса 57-гэр баар ыты быстах кэмҥэ тутар пууҥҥа куорат олохтоохторо ыттарын, куоскаларын аҕалан туттарыахтарын сөп. Аллайыаха оройуонун Чокурдаах бөһүөлэгэр, Алдан куоратыгар, Амма улууһун киинигэр, Анаабыр оройуонун Сааскылааҕар, Бүлүү куоратыгар, Эдьигээн бөһүөлэгэр, Ленскэйгэ, Мииринэй куоратыгар, Айхал бөһүөлэгэр, Удачнайга, Нам улууһун киинигэр, Өлүөхүмэҕэ, Өлөөҥҥө, Таатта Ытык Күөлүгэр, Хаҥалас улууһун Мохсоҕолооҕор, Покровскай куоракка, Чурапчы улууһун киинигэр ыты тутар пууннар бааллар. Ыт хаһаайына быстах байыаннай хомуурга бардаҕына, хаһаайына суох хаалбыт ыт бэйдиэ сылдьар ыт ахсаанын элбэтиэ суохтаах. Иитэр кыылгыт иннигэр эппиэтинэһи сүгэргитин умнумаҥ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…