Быстах хомуурга түбэспит Саха сирин олохтооҕо Приморскай кыраайга ыал буолла

Приморскай кыраай ЗАГС-ыгар быстах хомуурга түбэспит Саха сирин олохтооҕо тапталлааҕын кытта ыал буолла.

Анналаах Роман Жатайтан сылдьаллар, оскуола эрдэхтэн билсэллэр эбит. Кинилэр Роман быстах хомуурга түбэспитигэр ыал буолан, сокуонунан холбоһорго санаммыттар. «Роман Приморскайтан эрийэн ыал буолуохха диэбитигэр, мин толкуйдаабакка даҕаны билиэт атыылаһан киниэхэ көппүтүм», — диир Анна.

Эдэр ыал регистрацияланалларыгар көмөлөспүт Уһук Илиҥҥэ Саха сирин бастайааннай бэрэстэбиитэлистибэтигэр махтанар.

Санатан суруйдахха, быстах хомуурга бэбиэскэ туппут дьон сайаапкаласпыт күннэригэр тута саахсаланар кыахтаахтар. Бу туһунан СИА суруйар.