Саха сирин байыаннай комиссариата быстах хомууртан (мобилизацияттан) сокуоҥҥа олоҕуран босхолонору мэктиэлиир докумуоннары уонна ыспыраапкалары эрдэттэн бэлэмнииргэ сүбэлиир.
Хомуур пууннарыгар мэдиссиинискэй хамыыһыйа көрүллүбэтин туһунан Саха сирин байыаннай хамыһаара Александр Авдонин брифиҥҥэ иһитиннэрдэ.
«Мэдиссиинискэй хамыыһыйа көрүллүбэт. Бэбиэскэни туппут дьон кылгас кэм иһигэр бастаан хомуур пуунугар, онтон байыаннай чааска тиийиэхтээхтэр. Ыҥырыллыбыт киһи доруобуйатын туругар үҥсэргиирдээх буоллаҕына, биһиги мэдиссиинискэй көрүүнү ыытабыт. Хас биирдии пууҥҥа сүбэ-ама биэрэр исписэлиис баар буолуоҕа. Наадалаах докумуоннары киниэхэ көрдөрүллэр. Билигин, түгэнинэн туһанан, ким оннук докумуоннаах эбэтэр доруобуйата мөлтөх буоллаҕына, байыаннай комиссариакка ол докумуоннарын илдьэ кэлэригэр көрдөһөбүн», -– диэтэ Авдонин.
Ону таһынан инбэлиитин туһунан уонна үөрэх тэрилтэтиттэн ыспыраапкалары эрдэттэн ылан байыаннай комиссариакка көрдөрүөхтээх.
«Докумуоннары байыаннай чааска кэлиэх иннинэ улуустааҕы военкомакка көрдөрөр ордук. Тоҕо диэтэххэ, кини байыаннай чааска эрэ кэлэн баран доруобуйата мөлтөҕүн туһунан эттэҕинэ, олус элбэх кыһалҕалар үөскүүллэр. Онон, маны барытын эрдэтинэ бэйэҕит тустаах военкомаккытыгар быһаараргыт ордук», -– диэтэ Саха сирин байыаннай комиссара.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.