Быстах кэмҥэ «Өймөкөөн» айан суолунан сырыы тохтоото

Бу күннэргэ Тарыҥнаах үрэххэ уу таһыма үрдээн Өймөкөөн улууһун айан суолун 35+270-с км учаастагын халаан уута суурайан алдьатта.

Ол туһунан Саха сирин суолга управлениета иһитиннэрэр. Онон суолга куттал суох буолуутун хааччыйар инниттэн СӨ суолга управлениетын бирикээһинэн бэс ыйын 1 күнүттэн быстах кэмҥэ «Өймөкөөн» айан суолунан массыына сырыыта бобулунна.

Билиҥҥитэ айан суолун туругун уонна уу таһымын кэтииллэр. Айан суолун уу түстэ эрэ чөлүгэр түһэрэр үлэни саҕалыахтара.