Быстах кэмҥэ «Хатас» айан суолунан сырыы сабылынна

Бэҕэһээ Саха сирин киин улуустарыгар уонна Дьокуускай куоракка күүстээх тыаллаах дохсун ардах түһэн тутуулары, баҕаналары, суолу-ииһи алдьатта.

Бүгүн, от ыйын 15 күнүгэр, Мэҥэ Хаҥалас улууһун Бэстээҕэр «Хатас» айан суолун 14+410 — км 20+470 км учаастактарыгар тырааныспар бары көрүҥэр сырыы сабылынна. Бу туһунан Саха сирин айан суоллара тэрилтэ иһитиннэрэр.

Ардах уута суолу тоҕо түһэн алдьаппытынан сибээстээн, дьон олоҕун-дьаһаҕын, доруобуйатын харыстыыр, ону тэҥэ куттала суох сырыыны хааччыйар сыалтан Саха сирин суолун управлениета маннык хааччахтыыр дьаһалы ылынна.