Быстах уонна этиҥнээх ардах, арҕаа хаһыҥныа

Саха сиригэр киин улуустарынан арҕаа өттүгэр, Ленскэй аллараа тардыытынан, соҕуруу, сорох сиринэн арҕаа, күнүс соҕуруулуу-илин быстах ардах түһүөҕэ.

Этиҥнээх ардах хотугулуу-илин, соҕуруу уонна Мииринэй улууһугар түһэрэ күүтүллэр. Этиҥнээх ардахха сөкүүндэҕэ 15-20 м/с түргэннээх күүстээх тыалырыа.

Салгын температурата түүн +7+12°С, соҕуруулуу-илин +13+18°С, арҕаа +1+6°С, былыта суох буоллаҕына -2°С диэри хаһыҥныа. Күнүс салгын температурата +17+22°С, хотугулуу-илин +23+28°С, хотугулуу-арҕаа +11+16°С.

Дьокуускайга сөҥүүтэ суох, соҕуруулуу-илинтэн сөкүүндэҕэ 5-10 м/с түргэннээх тыал түһүөҕэ. Салгын температурата түүн +9+11°С, күнүс  +19+21°С кыраадыс сылаас.