Тохсунньу томороон тымныытыгар, будулҕан туман ортотугар саха худуоһунньуктара таһырдьа уруһуйдуохтара. Тохсунньу 21 күнүгэр академик Афанасий Осипов галереята-Национальнай художественнай мусуой филиала таһырдьа пленэр ыытар.
Бу күннэргэ, дьэ, тымныыбыт муҥутаан турар. Кириһиэнньэттэн саҕалаан, 45 кыраадыска диэри арыый сылыйара күүтүллэр. Ол эрээри, таһырдьа өр туруох диэтэххэ, дьэ, хорсун санааны, ичигэс таҥаһы эрэйи тэрээһин.
Пленэры худуоһунньук Наталья Христофорова салайан ыытыаҕа. Кини ыйыытынан-кэрдиитинэн пленэр кыттааччылара көрөн олорон, уруһуйдаан, хартыынаны айан-тутан таһаарыаҕа. Манна ким баҕарар кыттыан сөп, хайаан да худуоһунньук буолуохтаах диэн ирдэммэт. Ол эрэн, саҥаны боруобалаан, тыйыс усулуобуйаҕа бэйэни тургутан көрүү үгүс дьону угуйар.
Бу кэнниттэн тэрээһин туһунан кэпсэтии-ипсэтии, санааны үллэстии буолуоҕа. Санаттахха, урут эмиэ кыһын 45 кыраадыстаах тымныыга пленэр 2018 сыллаахха ыытыллыбыта. Онно 17 киһи кыттыбыта. Үтүлүктээх уруһуйдуур, биир сиргэ өр турар уустук буоллаҕа дии! Ол эрээри, маннык түгэҥҥэ саҥаны арыйарыҥ, мэйииҥ атыннык үлэлиирэ саарбаҕа суох.
Тэрээһин төлөбүрдээх – 2 тыһыынча солкуобай, Пушкин каартатынан туһаныахха сөп. Уруһуйдуур тэриллэри, кырааскалары биэрэллэр. Кыттааччылар тохсунньу 21 күнүгэр сарысарда 10 аҥаар чаастан Афанасий Осипов галереятын аттыгар (Хабаров уул., 27 №-рэ) мусталлар. Билсэр төлөпүөн – 8914-829-7537.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…