Бүтэһик үлэ күнэ кылгас буолуоҕа
16.12.2024, 19:15
Хаартыска: СИА.
Бөлөххө киир:
РФ Үлэҕэ, социальнай сайдыыга миниистирэ Антон Котяков ахсынньы 28 күнүгэр үлэ күнэ кылгас буолуон сөп диэн иһитиннэрдэ. Маны тэҥэ, Саҥа дьыл иннинэ үс күн өрүүбүт диэн тоһоҕолоон бэлиэтээтэ.
Бу иннинэ дьокутааттар Госдуумаҕа субуотаҕа түбэһэр ахсынньы 28 күнүн өрөбүл оҥорорго туруорса сылдьыбыттара. Ол эрээри, ону ылымматахтара, үлэ күнүнэн хаалларбыттара.— Ахсынньы 29, 30, 31 күннэрэ — өрөбүл күннэр. Онон Саҥа дьылга бэлэмнэнэргэ да, айанныы барарга да бириэмэ баар. Барыта 11 күн устата өрүөхпүт, — диэн миниистир этэр.
РФ Бырабыыталыстыбата бигэргэппит кыраапыгынынан, ахсынньы 30 күнүгэр түбэһэр бэнидиэнньик өрөбүл күнүнэн ааҕыллар, тоҕо диэтэр, субуотаҕа, ахсынньы 28 күнүгэр үлэлиибит, ол көһөн биэрэр. Онон өрөбүл күннэр быстыбакка, 11 күн устата буолаллар. Оттон ахсынньы 31 күнүнээҕи өрөбүл тохсунньу 7 күнүттэн көһөн биэрбитэ.
Бу сылга бүтэһик үлэ нэдиэлэтэ 6 күннээх буолар.
+1
2
+1
+1
+1
+1
+1
+1
Сообщить об опечатке
Текст, который будет отправлен нашим редакторам: