Хаартыска: www.perfectstock.ru саайтан.
Бэҕэһээ социальнай ситимнэринэн даачаҕа дьон бүтэй күрүөлээх буоллаҕына ыстарааптаналлар үһү диэн сурах тарҕанна. Аныгы үйэҕэ дьон үксэ бүтэй күрүөлээх. Онон элбэх киһини ууга-уокка түһэрдэ. Ити сонун оруннаах дуо?
Өскөтүн учаастактар икки ардыларынааҕы күрүө бүтэй уонна күнтэн хаххалыыр, салгын киирэригэр мэһэйдиир эбэтэр ыкса олорор ыал учаастагын туһанарыгар мэһэйдиир түгэнигэр, нуорманы кэһэр диэн буолуон сөп. Ити туһунан бэс ыйын 9 күнүгэр Судаарыстыбаннай Дуума бас билиигэ, сир уонна баай-дуол сыһыаннаһыыларыгар кэмитиэтин бэрэссэдээтэлэ Сергей Гаврилов иһитиннэрбитин туһунан Парламент хаһыатын саайта ТАСС суруйуутугар сигэнэн сырдатар.
Учаастакка биирдиилээн олорор дьиэни туттууга аналлаах сирдэри хаххалааһыҥҥа ирдэбили эрэгийэн былааһа уонна олохтоох былаас быһаарыан сөп. Күрүөнү тутуох иннинэ төһө үрдүктээх көҥүллэнэрин чопчулуур инниттэн олохтоох дьаһалтаҕа тиийэн ыйыталаһар эбэтэр саайтарыгар иһитиннэриини көрдүүр наада.
“Холобур, Подмосковьеҕа историческай суолталаах аҕараадалартан ураты күрүө муҥутаан 2 м. үрдүктээх буолуон сөп, ол эбэтэр араас уһаайбалар тула хаххалааһыннар сорохторо историческай уонна култуурунай сыаннастаахтар уонна ону судаарыстыба харыстыыр”, – диэн Гаврилов бэлиэтиир.
Бүтэй хаххалааһыны учаастак таһыгар, уулусса, ааһар өттүгэр туруоруохха сөп. Үрдүгүн олохтоох нуорма аакталарынан быһаараллар. Ол да буоллар, оҕуруот учаастагар ыаллар икки ардыларынааҕы күрүө төһө үрдүктээх буолуохтааҕар ирдэбил ханна даҕаны суруллубатах. Ол эрээри, суукка тиийэ быһаарсыбат инниттэн ыал учаастагар төһө үрдүктээх күрүө күнү хаххалыырынан сирдэтиниэххэ сөп.
“Төһө эрэ үрдүктээх күрүөҕэ эбэтэр хаххалааһын көрүҥэр тута накаастабыл көрүллүүтүн быһаччы нуормата суох. Ол гынан баран ыкса ыаллары кытта мөккүөр үөскээтэҕинэ Тутуу нуорматын, быраабылатын итиэннэ түмүллүбүт быраабылаҕа (в СНиП и СП) ыйыллыбыт тупсарыыны кэһии быраабылата суукка сүрүн быһаарар дкаастабылынан буолар”, – диэн дьокутаат бэлиэтиир.
Гаврилов этэринэн, күрүө туруоруутугар көҥүл ирдэммэт эрээри, ыкса ыалы кытта сүбэлэһэр ордук диир.
Бу туһунан ТАСС суруйуутугар сигэнэн Парламент хаһыатын саайтыгар сырдаталлар. Сиһилии манна ааҕыҥ.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…