Хаартыска Мэҥэ Хаҥалас улууһун дьаһалтатын пресс-сулууспатыттан
Атырдьах ыйын 29 күнүгэр Мэҥэ Хаҥалас улууһун баһылыгын тутууга солбуйааччы Василий Филиппов уонна үөрэҕирии салалтатын сүрүн исписэлииһэ Николай Тарасов Бүтэйдээх нэһилиэгэр К.О. Гаврилов аатынан орто оскуола өрөмүөнүн хаамыытын билистилэр.
Оробуочай бөлөҕү нэһилиэк баһылыга Айаан Чичахов уонна оскуола дириэктэрэ Михаил Нестеров көрүстүлэр.
Бу туһунан Мэҥэ Хаҥалас улууһун дьаһалтатын пресс-сулууспата иһитиннэрэр.
Оскуола өрөмүөнэ бүтэн, силигэ ситэн үөрэх дьылыгар бэлэм буолбут. Ол туһунан оскуола дириэктэрэ Михаил Нестеров санаатын үллэстэр:
— Бу дьыл ыам ыйын 15 күнүттэн саҕалаан национальнай федеральнай бырайыак чэрчитинэн биһиги оскуолабытыгар улахан өрөмүөн үлэтэ барда. Түннүктэрбит, муосталарбыт, ааннарбыт, фасадпыт, сарайбыт төрдүттэн уларыйда, саҥардылынна. Бу үлэни барытын Руслан Трофимов салайааччылаах «Стройкомплекс Сервис» бэдэрээтчит тэрилтэ бэрт кылгас кэм иһигэр хаачыстыбалаахтык толордо. Оскуолабыт саҥалыы тыыннанан оҕолору көрсөргө бэлэм.
Михаил Нестеров этэринэн, оскуола быйыл «Модернизация школьных и образовательных учреждений» федеральнай бырагыраамаҕа хапсан аныгы оборудованиенан, миэбэлинэн толору хааччыллан үөрүүтэ үрдүк. Ол курдук интерактивнай дуосканан, бүтэһик модель компьютердарынан, видеонаблюдение камераларынан уо.д.а. хааччылыннылар.
Өскөтүн урут бу иннинэ муоста көннөрү мас эбит буоллаҕына, быйыл керамогранит буолла. Аны аҕыйах күнүнэн оҕолор үөрэ-көтө сырдык оскуола боруогун атыллыахтара.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…