Бүтүн Арассыыйатааҕы бэрэбиэркэлиир үлэ оскуолаларга түмүктүүр хонтуруолунай үлэнэн буолуон сөп

Бүтүн Арассыыйатааҕы бэрэбиэркэлиир үлэни оскуолаларга түмүктүүр хонтуруолунай үлэ быһыытынан оҥоруохтарын сөп. Рособрнадзор ити курдук этииини РФ Үөрэҕириигэ министиэристибэтигэр киллэрбит. Онон хонтуруолунай үлэ ахсаанын нуормата тутуһуллуоҕа уонна биир кэлим түмүктүүр хонтуруолунай үлэ баар буолуоҕа диэн ТАСС Рособрнадзор пресс-сулууспатыгар сигэнэн суруйар.

Пресс-сулууспа иһитиннэрбитинэн, оскуолаларга хонтуруолунай үлэ ахсаана, хонтуруолунай үлэҕэ көрүллүбүт үөрэх бириэмэтин 10% элбиэ суохтаах эбит.

“Ыйыллыбыт нуорманы тутуһар инниттэн уонна оҕолору эбии түмүктүүр хонтуруолунай үлэнэн ноҕуруускалаабат инниттэн, Рособрнадзор Арассыыйа Үөрэҕириитин министиэристибэтигэр, бүтүн Арассыыйатааҕы бэрэбиэркэлиир үлэни түмүктүүр хонтуруолунай үлэ  быһыытынан оҥорорго этии киллэрбитэ” – диэн эппиттэр.

Биир барыйааннары оҥоруу, үлэни бэйэтин биирдик ыытыы, ону сыаналааһын, ону тэҥэ, аныгы технологиялары туһаныы – бүтүн Арассыыйатааҕы бэрэбиэркэлиир үлэ уратытынан буолар. Бэрэбиэркэлиир үлэ сорудахтара ФГОС ирдэбилинэн үөрэнээччи бэлэмин булгуччулаах сүрүн таһымын сыаналааһыҥҥа туһаайыллар. Сыллата бүтүн Арассыыйатааҕы бэрэбиэркэлиир үлэни 7,5 мөл. үөрэнээччи толорор. Бу туһунан ТАСС суруйар.