sakha.gov.ru
Бүтүн Арассыыйатааҕы «Билэҕин дуо? Үөрэт!» күөн күрэскэ үөрэнээччилэр кыттыахтарын сөп.
Арассыыйа эрэгийиэннэригэр наука уона технология уон сылын иитинэн, «Билэҕин дуо? Үөрэт» күөн күрэс ыытыллар. Манна үөрэнээччилэр бэйэлэрин дьоҕурдарын, билиилэрин-көрүүлэрин көрдөрөллөр, бырайыактарын, сонун санааларын, идиэйэлэрин билиһиннэрэллэр. Кыайыылаахтары айан-сырыы, үөрэх куурустарыгар сэртипикээттэр күүтэллэр.
Бүтүн Арассыыйатааҕы күөн күрэс номнуо төрдүс төгүлүн ыытыллар. Сэргээччи, сэҥээрээччи элбээн иһэр. Манна 6-18 саастаахтар кытталлар. Кинилэр манна кыттан уопут эрэ ылбаттар, биир санаалаахтарын, бир көрүүлээхтэрин кытары билсэллэр уонна наука эйгэтигэр убанан улааталлар. «Билэҕин дуо? Үөрэт!» 2025 сыл ыам ыйын 15 күнүгэр диэри ыытыллар. Манна кыттарга үс мүнүүтэлээх научнай-популярнай видео усталлар уонна Атомариум платформатыгар таһаараллар.
«Бу РФ Бэрэсидьиэнэ В.Путин биллэрбит улахан суолталаах бырайыага. Ааспыт сезоҥҥа бу күрэскэ аҕыс тыһыынчаттан тахса үөрэнээччи кыттыбыта. Ол үүнэр көлүөнэ наукаҕа интэриэстээҕин көрдөрөр. «Наука уонна университеттар» национальнай бырайыагынан 940 ыччат лабораторията арыллыбыта, саҥа аныгы кампустар тутуллаллар. 23 эрэгийиэҥҥэ 50 иники күөҥҥэ сылдьар инженернэй оскуолалар тэриллибиттэрэ, Бэрэсидьиэн сорудаҕынан 2030 сылга диэри 100 диэри элбиэхтээхтэр. Кэнэҕэскитин бу үлэ барыта «Ыччат уонна оҕолор» саҥа бырайыак иитинэн салҕанан ыытыллыаҕа», — диэн РФ Бырабыыталыстыбатын Бэрэссэдээтэлин солбуйааччы Дмитрий Чернышенко эттэ.
Күөн күрэс биэс араас номинациянан ыытыллар. Хас биирдии номинацияҕа бириистээх миэстэлэр саастарынан араарыллаллар. Күөн күрэскэ киирбит үлэлэри дьүүллүүр сүбэ быһаарар. Дьүүллүүр сүбэҕэ учуонайдар, биисинэс бэрэстэбиитэллэрэ, научнай-популярнай контент тэрийбит дьон киирэллэр.
Бүтүн Арассыыйатааҕы «Билэҕин дуо? Үөрэт!» күөн күрэһи «Росатом» Госкорпорация өйөбүлүнэн «Национальные приоритеты» АНО «Атомариум» научнай-сырдатар платформаны кытта бииргэ тэрийээччилэринэн буолаллар.
Сиһилии https://www.sakha.gov.ru/news/front/view/id/3482700 киирэн көрүҥ.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…