Хаартыска: sakha.gov.ru
«Центры новых возможностей» куонкурус күнүскү өттүгэр доруобуйаларынан хааччахтаах дьону көрөр-истэр кииннэри хааччыйыыга үбүнэн-харчынан көмөлөһүөҕэ.
Үп-харчы наадалаах тиэхиникэни уонна бытовой оборудованиены атыылаһыыга, дьиэлэри өрөмүөннээһиҥҥэ, о.д.а. туһуланар.
«Дойдуга инбэлиит оҕолоох 720 тыһыынчаттан тахса дьиэ кэргэн баар, кинилэргэ үгүстэригэр оҕолорун сайыннарыыга уонна уйулҕаларын уһугуннарыыга, оттон төрөппүттэр сынньаналларыгар мэлдьи көмө наада. Ити сыалга инбэлиит оҕолоохторго уонна инбэлииттэргэ доруобуйаларынан хааччахтаах дьону көрөр-истэр кииннэри тэрийии наадалаах. Бу кииннэр дойду Бэрэсидьиэнин иһинэн оҕо быраабыгар боломуочунайа «Сопровождение через всю жизнь» бырагырааматынан аһыллаллар», – диэн дойду Бэрэсидьиэнин иһинэн оҕо быраабын боломуочунайа Мария Львова-Белова бэлиэтээтэ.
Куонкурус кыайыылаахтара күнүскү күнүскү өттүгэр доруобуйаларынан хааччахтаах дьону көрөр-истэр кииннэри тэрийиигэ 2 мөл. солк. диэри үп-харчы ылыахтара. Куонкурус кыттыылаахтарынан буолуохтарын сөп: судаарыстыбаннай уонна муниципальнай тэриллиилэр; кэммиэрчэскэйэ суох тэрилтэлэрэ; уопастыбаннай холбоһуктар; судаарыстыбаннай- уопсастыбаннай уонна уопсастыбаннай-судаарыстыбаннай холбоһуктар. Сайаапкалары кулун тутар 11 күнүттэн муус устар 15 күнүгэр диэри ылыахтара.
«Центры новых возможностей» куонкурус Владимир Путин биллэрбит Арассыыйаҕа Дьиэ кэргэн сылыгар ананар.
Бүтүн Арассыыйатааҕы Грант куонкуруһугар кыттыы усулуобуйатын туһунан сиһилии «Страна для детей» аһымал пуонда саайтыгар баар.
СӨ Ил Дарханын уонна Бырабыыталыстыбатын пресс-сулууспата
Бу сыл алтынньы 11 күнүттэн VI Бүтүн Арассыыйатааҕы «Дигория» пуорумҥа уонна IV «Дигория» национальнай бириэмийэҕэ…
Үп-харчы ырыынагын исписэлиистэрэ, эспиэрдэрэ уонна аналитиктара баан сүрүн ыстаапката үрдүүрүн күүтэллэр. Бу туһунан боппуруоһу Арассыыйа баана аныгыс…
Саха сирин салалтата 2025 сылга тыа хаһаайыстыбатын өйөөһүҥҥэ үбүлээһин кээмэйин быйылгы сыллааҕы таһымнаах хаалларар санаалаахтар.…
Госдуумаҕа дьокутааттар миграннарга сымыйанан ийэ, аҕа уонна ыал буолууну утары охсуһууга туһуламмыт сокуон барылын бүтэһиктээх…
«Урбаанньыт аҕалар» үөрэх бырайыага бу сыл алтынньы 28 күнүттэн сэтинньи 22 күнүгэр диэри ыытыллыаҕа. Босхо…
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун ыал буолуу…