ЯСИА хаартыската
Бүгүн Дьокуускайга «Төрөөбүт дойду – Арассыыйа күүһэ» диэн Бүтүн Арассыыйатааҕы III муниципальнай пуорум эрэгийиэннээҕи күннэрэ үлэтин саҕалаата.
Суолталаах тэрээһиҥҥэ дойду 89 эрэгийиэниттэн муһуннулар. Пуоруму үөрүүлээхтик арыйыыга Ил Дархан Айсен Николаев Арассыыйа араас муннугуттан кэлбит ыалдьыттарга Саха сирин бүгүҥҥү күннээҕи олоҕун-дьаһаҕын, ситиһиитин билиһиннэрдэ. Бастакы күҥҥэ бэйэни салайыныы уорганнарын бэрэстэбиитэллэрэ “Үүнүү тирэҕэ: сир-уот эйгэтин сайдыыта” тиэмэнэн үлэлээтилэр, араас былаһааккаларга кыттан, санааларын үллэһиннилэр.
Олохтоох бэйэни салайыныы сайдыытын Бүтүн Арассыыйатааҕы ассоциацията (ВАРМСУ) эрэгийиэннээҕи күннэрэ алтынньыттан ыла Ставропольга, Ленинградскай, Тюменьскай, Иркутскай, Липецкай уонна Астраханскай уобаластарга, Саха сиригэр уонна Башкорстостаҥҥа ыыттылла тураллар. Эрэгийиэннэрдээҕи күннэргэ ырытыллыбыт бастыҥ холобурдары уонна көҕүлээһиннэри 2026 сылга муус устарга дойду таһымыгар ыытыллар муниципальнай пуорумҥа билиһиннэриэхтэрэ. Саха сирин ыалдьыттара Бүтүн Арассыыйатааҕы III муниципальнай пуорум эрэгийиэннээҕи күннэрин чэрчитинэн Горнай уонна Нам улууһустарыгар тупсаҕай көстүүлээх эйгэни тэрийиигэ үлэ хайдах барарын билистилэр.
Сарсын эригийиэннэр муниципалитеттарын баһылыктара, биисинэс уонна бырабыыталыстыба уорганнарын бэрэстэбиитэллэрэ араас былаһааккаларга бүгүҥҥү кыһалҕалары ырытыахтара уонна өрөспүүбүлүкэ сайдыытыгар туһуламмыт салайар үлэ бастыҥ уопутун кытта билсиэхтэрэ.
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…
Байыаннай дьайыыга кыттыбыт тулаайахтар уонна төрөппүт көрүүтэ-истиитэ суох хаалбыттар олорор дьиэнэн хааччыллар бырааптаахтар. “Байыаннай дьайыыга…