От ыйын 10-30 күннэригэр Арассыыйа норуоттарын үгэстэрин тарҕатыыга туһуламмыт «Үөрэнээччилэргэ култуура» норуоттар икки ардыларынааҕы култуурнай бырайыак чэрчитинэн Бүтүн Арассыыйатааҕы «Култуурунай субуота» аахсыйа ыытыллыаҕа.
Быйыл аахсыйа норуот остуоруйаларыгар ананна. Остуоруйа көмөтүнэн биһиги киһи хайдах тулалыыр эйгэни көрөрүн үөрэтэбит. Аныгы Арассыыйаҕа олорор хас биирдии норуот араас остуоруйалары айбыта, ол көмөтүнэн хас биирдиибит бу аптаах эйгэни кытта билсэбит. Оттон уһуну- киэҥи толкуйдуур, кэпсиир- ипсиир дьоҕурдаахтар былыр-былыргыттан идэтийбит булчуттары эбэтэр маастардары кытта тэҥҥэ сыаналаналлара.
Бу аахсыйанан Арассыыйа бары үөрэнээччилэрэ айар талааннаахтар күрэхтэһиилэригэр кыттыахтарын сөп уонна актерскай эбэтэр литературнай хайысхаҕа бэйэлэрин талааннарын көрдөрүөхтэрэ. Ол курдук, «Арассыыйа норуоттарын остуоруйалара», «Нуучча суруйааччыларын остуоруйалара», «Мин остуоруйам» номинацияларга видео устаргыт, ону таһынан «Культурадляшкольников.РФ» порталга тус кэбиниэккэ сайаапка суруйаргыт ирдэнэр. Аахсыйа түмүгүнэн, тыйаатыр уонна литература биллэр диэйэтэллэрэ кыттыылаах экспертнэй хамыыһыйа 30 саамай интэриэһинэй үлэлэри талыаҕа. Бу үлэлэр «Культурадляшкольников.РФ» порталга тахсыахтара.
Санатан эттэххэ, «Үөрэнээччилэргэ култуура» бырайыак РФ Култууратын уонна үөрэхтээһинин министиэристибэтин уонна Култуура стратегията уонна бырайыактыыр управление киинэ (РОСКУЛЬТПРОЕКТ) уонна Арассыыйа култууратын пуондатын кытта олоххо киллэриллэр.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…