«Көр, бу Арассыыйа!» куонкуруска ДНӨ үөрэнээччилэрэ көхтөөхтүк кытталлар

«Быйыл куонкуруһу саҕалыырбытыгар, бу дойду бары эрэгийиэннэрин оҕолорун, саҥа киирбит эрэгийиэннэри эмиэ болҕомтолорун тардар, түмэр ураты далааһыннаах тэрээһин буолуо диэн санааҕа кэлбиппит. Билигин чахчы көрөбүт, маннык тэрээһиннэр биһиги биир дойдулаахтарбытыгар олус наадалаахтарын, кинилэр бу тэрээһин ыытылларыгар үөрүүнэн кыттыһалларын«, — диэн этэр СӨ Ил Дархана Айсен Николаев.

Санатан эттэххэ, «Көр, бу Арассыыйа!» куонкурус 2020 сылтан СӨ ыччатын көҕүлээһининэн,  СӨ Ил Дарханын, РФ Үөрэх министиэристибэтин, Арассыыйа ыччатын, РДШ уонна ыччаттар түмсүүлэрин өйөбүллэринэн өрө көтөҕүллүүлээхтик тэриллэн ыытыллар. Күөн күрэскэ сыл ахсын 17 500-тэн тахса үөрэнээччи дойду бары эрэгийиэниттэн үөрэ-көтө кыттар.

Быйылгы куонкурус «Мин эрэгийиэним киэн туттуута» тиэмэҕэ ананар. Кыттааччылар видеороликтарга уһулуччулаах дьоннорун уонна дойдуларын ситиһиитин туһунан сырдаталлар. Бырайыак туһунан этэригэр, Ил Дархан Айсен Николаев ДНӨ, ЛНӨ, ону сэргэ Запорожье уонна Херсон уобаластарын үөрэнээччилэрин кыттыыны ылалларыгар ыҥырбыта. Бу туһунан Ил Дархан учууталлар уонна педагогическай уопсастыбаннас XIV сийиэстэрин былаһааккатыгар иһитиннэрбитэ.

Куонкуруска кыттааччылар сэтинньи 13 күнүгэр диэри https://lookitsrussia.ru/registratsiya/ саайтка регистрацияланаллар. Онтон салгыы күрэстэһээччилэр үөрэнэллэр, роликтарын усталлар уонна бырайыак саайтыгар туруораллар. Оттон ахсынньыга, аһаҕас куоластааһын түмүгүнэн, хас биирдии номинацияҕа кыайыылаахтар быһаарыллаллар уонна наҕараадаланаллар.