РФ Үлэҕэ министиэристибэтэ Бүтүн Арассыыйатааҕы куонкуруһу тэрийэн ыытта.
Манна Саха сирин «Навахту.рф» бырайыага «Лучшие практики взаимодействия с работодателем, образовательными организациями и центрами занятости населения» номинацияҕа иккис миэстэни ылары ситистэ.
«Бүтүн Арассыыйатааҕы күрэскэ 73 субъектан 1000 кэриҥэ киһи кытынна. Түмүккэ бириистээх миэстэлэри ыллыбыт. «Навахту.рф» бырайыак Ил Дархан Айсен Николаев олохтоох каадырдары бырамыысыланнаска үлэҕэ ыларга туруорбут соругунан ыытыллар. Бырайыак Саха сиригэр эрэ буолбакка, дойду үрдүнэн көдьүүстээҕин уонна ирдэбиллээҕин өссө төгүл бигэргэттэ. Бу нэһилиэнньэни Уһук Илиҥҥэ уонна Арктикаҕа тардарга дьоһун, суолталаах бырайыак», — диэн СӨ бырабыыталыстыбатын бэрэссэдээтэлин бастакы солбуйааччы Кирилл Бычков эттэ.
Санатан эттэххэ, эрэгийиэҥҥэ Навахту.рф бырайыак саҕаланыаҕыттан, бырамыысыланнас хайысхатыгар Саха сирин 1400-тэн тахса олохтооҕо үлэнэн хааччыллыбыт.
Бырайыак 2020 сыл сэтинньи ыйтан Ил Дархан Айсен Николаев сорудаҕынан саҕаламмыта. Бырайыагынан учуокка турар үлэтэ суохтар үлэ миэстэлэнэллэр, үрдүк хамнастаах дуоһунаска көһүөхтэрин баҕалаахтар эмиэ булаллар. Маныаха үлэ миэстэтин көрдөөһүн, докумуоннары бэлэмнээһин, хаттаан үөрэтии босхо уонна ыраахтан олорон үөрэниэххэ эмиэ сөп.
СӨ Ил Дархан уонна Бырабыыталыстыба пресс-сулууспата
Хаартыска: СИА
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…