Хаартыска: sakha.gov.ru
Бүгүн, балаҕан ыйын 1 күнүгэр, онлайн-биктэриинэҕэ — Бүтүн Арассыыйатааҕы «Мой Дальний» видео-эссе куонкуруска кыттарга регистрацияланыы уонна сайаапканы биэрии саҕаланна. Куонкурус онлайн көрүҥүнэн ыытыллар уонна хас да түһүмэхтээх.
Кыттар дьон Уһук Илиҥҥи эрэгийиэннэртэн биирдэстэригэр күүлэйдии барар босхо путевканы сүүйэр кыахтаахтар диэн иһитиннэрэр Ил Дархан, бырабыыталыстыба пресс-сулууспата.
Куонкуруска дойду араас муннугуттан 14-тэн 18-гар диэри саастаах оскуола оҕолоро уонна устудьуоннар кыттыахтарын сөп. Кинилэр Уһук Илин туһунан бэйэлэрин көрүүлэрин, уратытын, култууратын, айылҕатын, кыаҕын туһунан тус бэйэлэрин түбэлтэлэриттэн кэпсииллэрин видеоҕа устан ыытыахтаахтар.
Хас биирдии кыттааччыга Уһук Илин эрэгийиэннэриттэн биирдэстэрэ бэриллиэҕэ, кини ол эрэгийиэн туһунан видео-эссе оҥоруохтаах. Бүтэрдэҕинэ видео-эссетин «ВКонтакте» социальнай ситимҥэ куонкурус хэштегтэринэн угуохтаах: #МойДальний #ВКадреДальний #ЖивиНаДальнем, ол кэнниттэн https://ddv.moscow/konkurs/ куонкурус саайтыгар тус бэйэтин кэбиниэтигэр ролигын сигэтин киллэриэхтээх.
Киирбит үлэлэр араас критерийдэринэн сыаналаныахтара, олор быыстарыгар Куонкурус тиэмэтигэр сөп түбэһии, матырыйаалы уратытык биэрии, ааптар артыыстыыр дьоҕура уонна тиэхиньиичэскэй өттүнэн оҥорбут хаачыстыбата киирэллэр. Дьүүллүүр сүбэҕэ суруналыыстар, блогердар, режиссердар, телеыытааччылар, култуура диэйэтэллэрэ, ону таһынан эрэгийиэннэр култуураҕа, үөрэххэ, туризмҥа уонна ыччат бэлиитикэтигэр министиэристибэлэрин бэрэстэбиитэллэрэ бааллар. Кыттааччылар тэҥ ахсааннаах баалы ыллахтарына, ким сайаапканы эрдэ уонна болдьоҕор биэрбити бастатыахтара.
Куонкурус түмүгүнэн 10 кыайыылаах талыллыаҕа, кинилэр иккиэ буолан Уһук Илиҥҥэ күүлэйдии барар босхо путевканан наҕараадаланыахтара. Ону таһынан 20 финалист бириис тутуо.
2024 сыллаахха Сочиттан сылдьар 25 саастаах Анна Гаврилова кыайан, Саха сиригэр күүлэйдиир путевканы ылары ситиспитэ.
Куонкурус туһунан сиһилии бу сигэнэн киирэн билсиҥ.
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…
Олунньу 4–5 күннэригэр Москваҕа «Крокус Экспо» кииҥҥэ — гражданскай авиация устуоруйатыгар аан бастаан аэропорт уонна…