Хаартыска: sakha.gov.ru ылылынна
Бүтүн Арассыыйатааҕы олимпиада түмүктүүр түһүмэҕэр (ВсОШ) Дьокуускайга дойду 80 эрэгийиэниттэн 300 кэриҥэ үөрэнээччи кыттыаҕа.
Муус устар 12-18 күннэригэр күрэстэһээччилэр физкултуураҕа уонна да атын предметтэргэ күрэхтэһиэхтэрэ.
«Дьокуускайга олимпиадаҕа бэлэмнэнии чэрчитинэн педагогическай наука дуоктара, профессор, РАЕН академига, Москватааҕы физкултуура академиятын ректора Николай Чесноков кэллэ. Кини предметнэй-методическай хамыыһыйа уонна олимпиада түмүктүүр түһүмэҕин дьүүллүүр сүбэтин бэрэссэдээтэлэ. Дьүүллэһиигэ биһиги тэрийии үлэтин сүрүн боппуруостарыгар тохтоотубут: күрэхтэһиигэ сүрүн былаһаакканы талыыга, логистика боппуруоһугар уонна куттал суох буолуутун тэрийиигэ, күрэхтэһээччилэри түһэрэр сиргэ уонна аһатыы боппуруостарыгар«, — диэн этэр СӨ Бырабыыталыстыбатын Бэрэссэдээтэлин солбуйааччы Анатолий Семенов.
Манна даҕатан эттэххэ, Дьокуускай 2014 сыллаахха олимпиада түмүктүүр түһүмэҕин үрдүк таһымнаахтык ыытан турар.
«Бу да сырыыга биһиги олимпиада ситиһиилээхтик барарыгар уонна оҕолор билиилэрин, сатабылларын көрдөрөллөрүгэр кыаҕы биэрэргэ бары усулуобуйаны оҥорорго бэлэммит«, — дииллэр олимпиаданы тэрийээччилэр.
Үөрэнээччилэр уопсай үөрэх предметтэригэр Бүтүн Арассыыйатааҕы (ВсОШ) олимпиадалара — бу оскуола предметтэрин барытын хабар дойдуга саамай маассабай уонна элбэх оҕо сэргээн, сэҥээрэн кыттар олимпиадата.
Олимпиада «Ыччат уонна оҕолор» бэрэсидьиэн национальнай бырайыагын иитинэн ыытыллар. Оҕолор таптыыр предметтэригэр төһө билиилээхтэрин-көрүүлээхтэрин, дьоҕурдарын көрдөрөллөрүгэр, ону таһынан бэйэлэрин күүстэрин-кыахтарын холоноллоругар кыаҕы биэрэр. Түмүктүүр түһүмэх кыайыылаахтара Арассыыйа бастыҥ үрдүк үөрэҕин кыһаларыгар киирэр кыахтаныахтарын сөп.
СӨ Ил Дарханын уонна Бырабыыталыстыбатын пресс-сулууспата
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…