Хаартыска. ЗАГС управлениетын пресс-сулууспата
Кулун тутар 25 күнүгэр ЗАГС управлениетыгар Арассыыйаҕа Дьиэ кэргэн сылыгар аналлаах ВДНХ-ҕа норуоттар икки ардыларынааҕы «Арассыыйа» пуорум-быыстапка кэмигэр ыытыллар Бүтүн Арассыыйатааҕы сыбаайба бэстибээлигэр Саха сириттэн саахсаланыан сөптөөх эдэр ыалы талыы мунньаҕа буолан ааста.
Мунньах түмүгүнэн Саха сириттэн бэстибээлгэ кыттарга уонна олохторун холбуур ыччатынан Илона Гаврильева уонна Денис Максимов талылыннылар.
Денис – мас тардыһыыга Саха Өрөспүүбүлүкэтин успуордун маастарыгар хандьыдаат, Олимпийскай чөмпүйүөн Р.М.Дмитриев аатынан Бүтүн Арассыыйатааҕы күрэхтэһиилэрин призера, мас тардыһыыга устудьуоннар ортолоругар Бүтүн Арассыыйатааҕы күрэхтэһиилэрин 2 төгүллээх чөмпүйүөнэ (Санкт-Петербург к.), дойду ыччатын мас тардыһыыга күрэхтэһиитин II истиэпэннээх дипломун хаһаайына (Екатеринбург к.), РФ успуорка министиэристибэтиттэн, «Бүтүн Арассыыйатааҕы мас тардыһыытын Федерацията» уопсастыбаннай тэрилтэттэн, СӨ Физическэй култуураҕа уонна успуорка министиэристибэтиттэн грамоталардаах уонна махтал суруктардаах.
Илона – СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Бочуоттаах грамотатынан, «Профессионалы- 2023» өрөспүүбүлүкэтээҕи түһүмэҕин идэлээх мастарыскыайдар чөмпүйэнээтин индустриальнай эспиэрин дипломунан наҕараадаламмыта, 1941-1945 сс. Аҕа дойду Улуу сэриитин кэриэһигэр «Өйдөбүнньүк саада» маһы олордуу Аан дойдутааҕы уонна «Ойууру харыстыахха» ойууру чөлүгэр түһэриигэ Бүтүн Арассыыйатааҕы аахсыйалары Саха сиригэр тэрийиигэ эппиэтинэстээҕэ.
Бүтүн Арассыыйатааҕы сыбаайба бэстибээлэ Москваҕа ВДНХ-ҕа норуоттар икки ардыларынааҕы «Арассыыйа» пуорум-быыстапка кэмигэр ыам ыйын 12-19 күннэригэр ыытыллыаҕа.
Бэстибээлгэ дойду бары эрэгийиэннэриттэн 100-тэн тахса паара кыттара биллэр. Тэрээһин ыам ыйын 12 күнүгэр ыытыллара мээнэҕэ талыллыбатаҕынан ааҕыллар. Ол курдук, норуокка этиллэринэн, бу күн Кыһыл хайаҕа ыал буолбуттар хаһан да арахсыа суохтара. Сыбаайба бэстибээлин кэмигэр уруу сиэрин-туомун ыытыыны таһынан, араас лиэксийэлэр уонна маастар-кылаастар буолуохтара.
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыр олохтооҕун наҕараадалыахтара диэн…
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…