Хаартысска: minobrnauki.sakha.gov.ru
Физкултуураҕа Бүтүн Арассыыйатааҕы үөрэнээччилэр олимпиадаларыгар кыттааччылары арыаллыыр дьоҥҥо аналлаах «Эт-сиин өттүнэн иитии аныгы систиэмэтигэр Арассыыйа норуоттарын төрүт оонньуулара уонна успуорт көрүҥнэрэ” диэн идэ таһымын үрдэтии иитинэн Дьокуускай куораттааҕы национальнай гимназияҕа экскурсияны тэрийдилэр. Бу, үөрэх эйгэтигэр талааннаах оҕолору кытта үлэҕэ инники күөҥҥэ сылдьар сатабылы көрдөрөр тэрээһининэн буолла.
Гимназия диэриэктэрэ Валентина Пермякова сиһилии экскурсия оҥордо, ол иитинэн ыалдьыттар үөрэххэ туһаныллар ураты мэтиэдикэни кытта билистилэр. Манна үөрэххэ инновационнай көрүүнү, бырайыактыыр үлэни, айар көҕүлээһини өйөөһүнү киллэрэн туран оҕону кытта үлэ араас көрүҥүн көрдөрдүлэр. Тэрээһин кыттыылаахтара гимназияҕа академическай ситиһиини уонна айар дьоҕуру сайыннарыыны хайдах тэҥҥэ дьүөрэлиэххэ сөбүн билсэр кыахтаннылар.
Эксурсия кэнниттэн үөрэнээччилэр күүстээх энэргиэтикэлээх уонна үрдүк статабыллаах ырыаны, үҥкүүнү көрдөрбүттэрин бар дьон бэркэ биһирээтилэр. Ол кэнниттэн успуорт саалатыгар оҕолор аны успуорт төрүт көрүҥнэригэр сатабылларын көрдөрдүлэр.
Онон тустаах тэрээһин, кыттааччылар талааннаах оҕолору кытта үлэҕэ бастыҥ быраактыка туһунан билиилэрин кэҥэппитин таһынан, үөрэх тэрилтэлэрэ бэйэлэрин икки ардалырыгар уопут атастастаһар былаһааккаларынан буолла, ситими бөҕөргөттө. Бу туһунан Үөрэх уонна билим министиэристибэтин пресс-сулууспата суруйар.
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…