Ааптар хаартыската
Быыбар бастакы күнүгэр илин эҥээр улуустарын сорох нэһилиэктэригэр саахал тахсан уоттара арахса сырытта.
Быыбардыыр хамыыһыйалар тута электроэнергияны биэрэр генератордары холбоон, куоластааһын тохтоло суох барда.
Оройуоннааҕы уот ситимэ уонна Ростелеком филиалын өрөмүөннүүр биригээдэлэрэ саахал тахсыбыт сирин түргэнник булан чөлүгэр түһэрдилэр.
Аны биир түбэлтэнэн, бэҕэһээ Мэҥэ Хаҥалас улууһугар «Сиэрдээх Арассыыйа» баартыйаттан Ил Түмэҥҥэ хандьыдаат Евгений Кривошапкин кини кэтээн көрөөччүлэрин быыбардыыр учаастакка Хаптаҕай сэлиэнньэтин быыбардыыр учаастагар киллэрбэтэхтэрин туһунан үҥсүү түһэрдэ.
Үҥсүүнү Мэҥэ Хаҥаластааҕы территориальнай быыбардыыр хамыыһыйа уонна тустаах быыбардыыр учаастак хамыыһыйата суһаллык көрдүлэр.
Быһаарбыттарынан, ол кэмҥэ хандьыдаат Евгений Кривошапкин кэтээн көрөөччү дьонун испииһэгэ сокуон ирдэбилинэн Мэҥэ Хаҥаластааҕы территориальнай быыбардыыр хамыыһыйаҕа бэриллибэтэх эбит.
Мэҥэ Хаҥаластааҕы территориальнай быыбардыыр хамыыһыйата быһаарбытынан, испииһэк Уус Алданнааҕы территориальнай быыбардыыр хамыыһыйаҕа ыытыллыбыт эбит уонна Мэҥэ Хаҥаласка тиксэриллибэтэх.
Уус Алданнааҕы территориальнай быыбар хамыыһыйата испииһэги ыыппытын кэннэ Евгений Кривошапкин кэтээн көрөөччүлэрэ быыбардыыр учаастакка аһарылыннылар диэн СӨ Киин быыбардыыр хамыыһыйа иһитиннэрэр.
Үҥсүү 8:50 ч. киирбит, кэтээн көрөөччүлэр 9:31 ч. боппуруос быһаарыллан, быыбардыыр учаастакка киирбиттэр.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…