Быыбар бастакы күнүгэр кыттыы үчүгэй

Арассыыйа Бэрэсидьиэнин быыбарыгар куоластааһын бастакы күнэ түмүктэннэ.

Бүгүн, кулун тутар 15 күнүгэр – куоластааһын бастакы күнүгэр, киэһэ 20:00 ч. Саха сиригэр быыбардыыр учаастактар сабылыннылар.

Сарсын, кулун тутар 16 күнүгэр, дойду баһылыгын талар быыбар сарсыарда 8:00 ч. салҕаныа. Бүгүҥҥү күн 20:00 ч. түмүгүнэн, нэһилиэнньэ быыбарга кыттыыта 41,12% буолла.

СӨ Киин быыбардыыр хамыыһыйатын дааннайынан, биэс бастыҥ көрдөрүүлээх улуустарынан Өлөөн эбэҥки национальнай оройуона (77,56%), Анаабыр национальнай (долгаан-эбэҥки) оройуона (75,58%), Горнай улууһа (58,76 %), Мииринэй оройуона (57,11%), Абый улууһа (56,19%) буолаллар.

Санатар буоллахха, Арассыыйа Бэрэсидьиэнин талыы быыбара кулун тутар 15, 16, 17 күннэригэр ыытыллар.