Быыбардааччы быраабын өрө тутан, сөптөөх усулуобуйа оҥорон, убаастанар төрүөтүнэн быыбар биир кэлим куоластааһын күнүгэр кэлбэт быыбардааччыларга быыбар болдьоҕун иннинэ куоластааһын саҕаланна.
Учаастактааҕы быыбардыыр хамыыһыйалар атырдьах ыйын 28 күнүттэн балаҕан ыйын 7 күнүгэр диэри үлэ күнүгэр киэһэ 16.00 ч. -20.00 ч., өрөбүл күннэргэ сарсыарда 10.00 ч.-14.00 ч. диэри үлэлииллэр. Хас биирдии быыбардааччы убаастанар төрүөтүнэн быыбар күн сатаан куоластаабат буоллаҕына, сайабылыанньа суруйан, олорор сиринэн эрдэ куоластыыр бырааптаах.
Санатахха, биир кэлим куоластааһын күнүгэр, балаҕан ыйын 8 күнүгэр, Саха сиригэр 79 быыбардыыр хампаанньа былааннанан турар. Ол иһигэр Халыма-Индигиир биир мандааттаах быыбардыыр уокуругуттан Ил Түмэн норуотун дьокутаатын быыбара ыытыллар. Ону таһынан 78 муниципальнай таһымнаах быыбардар ыытыллаллар, ол иһигэр Аллайыаха, Аллараа Халыма, Өймөкөөн, Өлүөхүмэ улуустарын (оройуоннарын) уонна Дьокуускай куорат “Жатай” уокуругун баһылыктарын талыахтара;
Аллайыаха, Өлүөхүмэ улуустарын (оройуоннарын) уонна Дьокуускай куорат “Жатай” уокуругун бэрэстэбиитэллээх уорганнарын саҥа ыҥырыытын быыбара;
35 куорат уонна тыа сирин сэлиэнньэлэрин баһылыктарын, о.и. улуус (оройуон) кииннэрэ: Cунтаар, Чурапчы, Уус Маайа, Уус Ньара уонна Орто Халыма куорат;
Белая Гора (Абый улууһа), Уус Маайа (Уус Маайа улууһа) бөһүөлэктэрин, Сиинэ (Хаҥалас улууһа), Хайахсыт (Чурапчы) нэһилиэктэрин бэрэстэбиитэллээх уорганнарын саҥа ыҥырыыларын быыбара.
Сүрүн уонна болдьоҕун иннинээҕи быыбардары тэҥэ, сорох муниципальнай тэрээһиннэр бэрэстээбитэллээх уорганнарын дьокутааттарын хаттаан уонна эбии быыбардара буолуоҕа: Үөһээ Дьааҥы улууһугар 3 мандааты солбуйуу, Үөһээ Халыма, Нам улуустарыгар биирдии мандаат уонна 10 улуус 15 сэлиэнньэтигэр дьокутааттар эбии быыбардара ыытыллыаҕа. Барыта 160 дьокутааты талыахтара.
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)