Быыбар иккис күнэ түмүктэннэ

Бүгүн, кулун тутар 16 күнүгэр, Арассыыйа Бэрэсидьиэнин быыбарыгар куоластааһын иккис күнэ түмүктэннэ.

Өрөспүүбүлүкэ территориятыгар 811 быыбардыыр учаастак үлэлиир. Арассыыйа Бэрэсидьиэнин талар быыбар кулун тутар 15-17 күннэригэр буолар. Быыбардыыр учаастактар 8:00 — 20:00 диэри үлэлииллэр.

СӨ Киин быыбардыыр хамыыһыйатыттан иһитиннэрбиттэринэн, Саха сиригэр быыбар барыытын хандьыдааттартан, РФ Уопсастыбаннай палаататыттан уонна Саха сирин Уопсастыбаннай палаататыттан кэтээн көрөөччүлэр куорпустарын 2560 бэрэстэбиитэлэ кыраҕытык көрөр.

Быыбарга кэтээн көрөөччүлэр:

• быыбардыыр учаастакка куоластыыр күннэригэр баар буолаллар;

• быыбардааччылар испииһэктэрин көрүөхтэрин, билсиэхтэрин сөп;

• быыбардааччылар тустарынан иһитиннэриини, баар сирдэринэн куоластыырга сайабылыанньаламмыттары, ону сэргэ быыбардыыр учаастактарыттан атын сиргэ быыбардааччылар сайабылыанньаларын испииһэгин билсиэхтэрин сөп;

• быыбардыыр бүлүтүөннэри биэриини, куолаһы ааҕыы уонна куоластааһын түмүктэрин боротокуолун толоруллуутун кэтээн көрүөхтэрин сөп;

Кулун тутар 17 күнүгэр быыбардыыр учаастактар үлэлэрэ салҕанар. Сарсыарда 8.00 чаастан киэһээ 20.00 ч. диэри үлэлиэхтэрэ.

Арассыыйа Бэрэсидьиэнин быыбарын түмүгэ дойдуга куоластааһын түмүктэммитин кэнниттэн этиллэр.

СӨ Ил Дарханын уонна Бырабыыталыстыбатын пресс-сулууспата

Хаартыскаҕа Мария Васильева түһэриитэ, СИА