Быыбар кыайыылаахтара билиннилэр

Куоластааһын биир кэлим күнэ түмүктэннэ. Саха сиригэр Халыма-Индигиир биир мандааттаах уокуругар норуот дьокутаатын, түөрт оройуон уонна Жатай бөһүөлэгин баһылыктарын, ону тэҥэ 36 нэһилиэк баһылыктарын, оройуон уонна бөһүөлэк муниципальнай тэриллиилэрин бэрэстэбиитэллээх уорганнарын дьокутааттарын таллылар.

Оройуон баһылыктарынан буоллулар:

• Аллайыаха оройуона — Яков Гаврильевич Елисеев.
• Аллараа Халыма оройуона — Ярослав Алексеевич Бандеров.
• Өймөкөөн оройуона — Александр Савельевич Оконешников.
• Өлүөхүмэ оройуона — Николай Николаевич Харбин.
• «Жатай» куорат уокуруга — Евгения Николаевна Исаева.

Халыма-Индигиир биир мандааттаах уокурукка  норуот дьокутаатынан Евгений Михайлович Слепцов талылынна.

««Биир ньыгыл Арассыыйа» баартыйаттан хандьыдааттар быыбарга кыайыыны ситистилэр. Быыбардааччылар итэҕэлин ылбыт хандьыдааттар бука бары күүскэ үлэлиэхтэрэ-хамсыахтара диэн эрэнэбин. Бары биир улахан хамаанданан төрөөбүт өрөспүүбүлүкэбит уонна олохтоохторун туһугар үлэлиэхпит!, – диэн Айсен Николаев ТГ-ханаалга биллэрдэ. Быыбар түмүгүн кытта Саха сиринээҕи Киин быыбардыыр хамыыһыйатын саайтыгар билсиэххэ сөп.