Быыбар учаастактарын сибээһинэн хааччыйыы туруктаах

СӨ инновацияҕа уонна цифровой сайдыыга министиэристибэтэ СӨ Киин быыбардыыр хамыыһыйата бииргэ Арассыыйа Бэрэсидьиэнин быыбарыгар ыытыыга уонна сибээс тохтоло уонна куттала суох хааччыллыытыгар улахан үлэни ыыталлар.

Онуоха  миниистири солбуйааччы А. В. Суслов салайааччылаах оробуочай бөлөх үлэлиир диэн СӨ Киин быыбардыыр хамыыһыйа иһитиннэрэр.

Учаастактааҕы быыбардыыр хамыыһыйалар чилиэннэрэ «ИнформУИК» бырайыагынан дьиэлэри кэрийэ сылдьан быыбар туһунан кэпсиир кэмнэригэр миниистири солбуйааччы Андрей Суслов өрөспүүбүлүкэ бары улуустарыгар быыбар хамыыһыйаларын уонна сибээһи хааччыйар тэрилтэлэри кытта сибээстээһи тутан олорбута.

Бүгүн Өлүөхүмэ оройуонугар быыбары тэрийээччилэр Андрей Владимировиһы кытары элбэҕи быһаарыстылар, кини дойду Бэрэсидьиэнин быыбарын аҕай иннинэ территориальнай быыбардыыр учаастакка сылдьан турар. Оройуон территориальнай быыбардыыр учаастагын бэрэссэдэтээлэ Алла Боянова быыбардыыр учаастактар уонна хамыыһыйа быыбарга толору бэлэмнээхтэрин кэпсээтэ.