Быыбар үһүс күнэ саҕаланна

Бүгүн, кулун тутар 17 күнүгэр, Арассыыйа Бэрэсидьиэнин талар быыбар бүтэһик  күнэ саҕаланна. Сарсыарда 8 чаастан Саха сирин бары  быыбардыыр учаастактара аһылыннылар.

Саха сиринээҕи Киин быыбардыыр хамыыһыйа иһитиннэриитинэн, икки күн түмүгүнэн,  Саха сирин олохтоохторун кыттыыта 58,75% тэҥнэспит.

Ордук элбэх быыбардааччы Өлөөн (92,28%), Анаабыр (86,37%), Горнай (76, 10%) кытынна. Салгыы Таатта, Абый улуустара кэлэллэр.