Быыбарга билгэлээһиннэри уонна ыйытыктары таһаарыы бобулунна

Арассыыйа сүрүн быыбарыгар, дойду Бэрэсидьиэнин талыы куоластааһынын бастакы күнүгэр диэри икки күн хаалла.

Арассыыйа Федерациятын Бэрэсидьиэнин быыбарын туһунан билгэлээһиннэри оҥоруу, социологическай ыйытыылар уонна да атын чинчийиилэри ыытыы туһунан киэҥ эйгэҕэ таһаарыы бобуллар диэн СӨ Киин быыбардыыр хамыыһыйата иһитиннэрэр.

2024 сыл кулун тутар 17 күнүгэр Арассыыйа үрдүнэн куоластааһын бүтүөр диэри бобуллар.
Маннык хааччахтааһын «О выборах Президента Российской Федерации» федеральнай сокуон 47-с ыстатыйатыгар олоҕуран оҥоһуллар уонна куоластааһын бүтэһик күнүн (тиһэх күнүн) буолуо биэс күн иннигэр киллэриллэр.