Быыбарга кыайбыт Дональд Трамп «көмүс үйэни» эрэннэрдэ

Дональд Трамп сэтинньи 6 күнүгэр Палм-Бич ыстаабын быыбардааччыларын иннигэр быыбарга кыайыытын туһунан уонна АХШ 47-с Бэрэсидьиэнэ буолбутунан  биллэрдэ.

АХШ өрөспүүбүлүкэтээҕи баартыйаттан АХШ Бэрэсидьиэнэ Дональд Трамп Америкаҕа «көмүс үйэ» саҕаланарыгар эрэннэрбитин New York Post суруйар. Бэрэсидьиэн итини сэргэ дойду устуоруйатыгар Make America Great Again (MAGA) бэлитиичэскэй хамсааһын сүҥкэн суолталаммытын, ону кытта эрэннэрбит этиилэрин олоххо киллэриигэ күүскэ үлэлиирин саҕалыырын ыйда.

Ону тэҥэ быыбарга кини кыайыыта хаттаан улуу дойду буоларын ситиһэри көмөлүөҕэ диэтэ. Трамп Америка норуотун туһугар бэйэтин кыайыыта олус суолталааҕын бэлиэтээтэ. Маны таһынан Трамп сэриилэри тохтотор туһугар үлэлиирин эрэннэрэн туран: «Мин сэриини тэрийбэппин. Мин сэриини тохтотор санаалаахпын», — диэн этиитин түмүктээтэ.