Быыбары тэрийээччилэри үөрэтэр семинардар салҕаналлар

Арассыыйа Бэрэсидьиэнин быыбара буолара балтараа нэдиэлэ хаалла. Саха сиригэр быыбары тэрийэн ыытарга бэлэмнэнии, учаастактааҕы быыбар хамыыһыйатын үөрэтии ыытыллар.

Клун тутар 2 күнүгэр Абый улууһун территориятааҕы быыбардыыр хамыыһыйатын бэрэссэдээтэлэ Елена Новикова 3-с №-дээх Кэбэргэнэ быыбардыыр учаастагар тиийэн үөрэтэр семинар ыыппыта. Итини таһынан семинар чэрчитинэн баһаартан сэрэхтээх буолуу дьаһалларын туһунан уонна баһаарынай-тактическай дьарыктар ыытылыннылар.

Кулун тутар 4 күнүгэр Мииринэй территориятынааҕы быыбардыыр учаастакка быыбардыыр хамыыһыйалар бэрэссэдээтэллэрэ, солбуйааччылара уонна сэкирэтээрдэрэ кыттыылаах Арассыыйа Бэрэсидьиэнин быыбарын тэрийии боппуруостарынан семинар ыытылынна.

Оттон Горнай улууһугар СӨ Киин быыбардыыр хамыыһыйатын сэкирэтээрэ Алла Самойлова уонна чилиэнэ Эльвира Мярикянова кыттыылаах семинар буолан ааста.

Семинарга куоластааһын күннэригэр хамыыһыйалар үлэлэрин, араас түгэннэр уонна быыбар тэрээһинигэр тахсар өйдөммөт боппуруостар туһунан дьүүллэстилэр диэн Киин быыбардыыр хамыыһыйа иһитиннэрэр.