Бүгүн хаардыыр, хоту буурҕа түһэр, күнүс -5 буолуо

Бүгүн, кулун тутар 7 күнүгэр, Саха сирин синоптиктара хоту, арҕаа, киин улуустарга хаар, Арктика кытылынан сөкүүндэҕэ  16-21 м. түргэннээх буурҕа түһэрин билгэлииллэр.

Салгын температурата түүн  -33-38° кыраадыс, былыта суох буоллаҕына -39-44°, соҕуруулуу-арҕаа, арҕаа -23-28°, сорох сиринэн -15-20°, хотугулуу-илин  -44-49°, күнүс -22-27°, арҕаа, соҕуруу -12-17°, соҕуруулуу-арҕаа -5-10°, хотугулуу-илин, хоту -28-33° кыраадыс тымныы.

Дьокуускайга салгын температурата түүн -35-37°, күнүс -22-24° кыраадыс тымныы. Түүн сөҥүүтэ суох, киэһэлик хаардыыр, соҕуруулуу-илинтэн сөкүүндэҕэ 1-5 м. түргэннээх тыаллаах.