Хаартыска СӨ бырабыыталыстыбатын пресс-сулууспатыттан
«Саха сирэ – Дьоруойдар дойдулара» каадыр бырагырааматын кыттыылааҕа Михаил Ан СӨ Гражданскай оборонаҕа уонна олох-дьаһах куттала суох буолуутун хааччыйыыга министиэристибэтигэр стажировкатын ааһар. Кини уһуйааччытынан СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников буолар.
Биэдэмэстибэ салайааччыта Дмитрий Лепчиков кэпсээбитинэн, Михаил бастакы күннэриттэн үлэҕэ көхтөөхтүк киирбитэ, гражданскай көмүскэл, быыһыыр тэрээһиннэри тэрийии уонна өрөспүүбүлүкэ сиригэр-уотугар куттал суох буолуутун хааччыйыы боппуруостарыгар улахан интэриэстээҕин көрдөрөр.
«Михаил улахан уопуттаах: кини Үөһээ Бүлүү улууһугар көрдүүр-быыһыыр этэрээти салайар, урут оскуола дириэктэринэн үлэлээбитэ, байыаннай хомуурдары уонна парааттары тэрийбитэ, ыччаты байыаннай-патриотическайдыы иитиинэн дьарыктаммыта. Кини үлэтин суола эппиэтинэстээҕин, лиидэр хаачыстыбалааҕын уонна уопсастыбаҕа дьиҥнээх кылааты киллэрэрин туоһулуур», — диэн Дмитрий Лепчиков тоһоҕолоон эттэ.
Кини стажировка чэрчитинэн Михаил министиэристибэ бары салааларын үлэтин кытта билсэр, гражданскай оборона систиэмэтин тупсарыыга уонна ыксаллаах быһыыга-майгыга бэлэм буолуу таһымын үрдэтиигэ туһуламмыт үлэ мунньахтарыгар уонна профильнай бырайыактарга кыттыһар диэн этэр. Бу практическай уопут Михаил өрөспүүбүлүкэ туһугар үлэлииригэр инникитин туһалаах буолуоҕа диэн бэлиэтээтэ.
«Биһиги Ил Дархаммытыгар ис сүрэхтэн махталбын тиэрдиэхпин баҕарабын уонна өрөспүүбүлүкэ Бырабыыталыстыбатын үлэтин бэлиэтиэхпин баҕарабын. Барыта буоллун-хааллын эрэ диэн буолбакка, көдьүүстээх үлэ оҥоһуллара көстөр. Дьиҥнээх эппиэтинэстээх сыһыан уонна дьыала көмөлөрүнэн анал байыаннай дьайыыга сылдьар уолаттарбыт Ийэ дойдуларын кытта бу күүстээх сибээһи билэллэр. Бу биһиги буойуттарбыт эрэллээхтик сананар тыыллара буолар», — диэн Михаил Ан эттэ.
Сиһилии: https://www.sakha.gov.ru/news/9151
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…