Быыһааччы Валерий Андросов кинигэ таһаарда

СӨ Быыһыыр сулууспатын быыһааччыта Валерий Андросов «Что делать, если заблудился в лесу» диэн методичка кинигэни оҥорон таһаарда. Бу туһунан СӨ Быыһыыр сулууспатын пресс-сулууспата иһитиннэрэр.

Валерий Андросов СӨ Быыһыыр сулууспатын бастакы кылаастаах быыһааччытынан буолар. Кини саҥа кинигэтигэр ойуурга мунан баран бэйэни быыһааһыҥҥа сүбэлэри биэрдэ. Билигин хас күн аайы кэриэтэ дьон ойуурга сир астыы, бултуу, балыктыы тахсан мунар кэмигэр саамай наадалаах кинигэ буолла.

Саха сирин тыата — көннөрү тыа буолбатах. Манна мөлүйүөнүнэн гектардаах дьиикэй айылҕа, суол суох, сибээс суох. Оннооҕор уопуттаах булчуттар судургутук мунуохтарын сөп. Маннык усулуобуйаларга уопут эрэ быһаарбат, чопчу бэрэбиэркэлэммит дьайыылары оҥорор ирдэнэр.

Андросов «Нить жизни» кинигэтин 2017 сылтан толкуйдаабыт. Кинигэ эбэҥки булчуттарын билиилэригэр олоҕуран суруллубут.