Быыһааччылар 15 миэтэрэ дириҥнээх сиргэ түспүт киһини быыһаатылар

Бэҕэһээ Дьокуускай куоракка  Кульбертинов уулуссатыгар тутуу буола турар сиригэр киһи кэтэспэтэх өттүттэн быһылаан таҕыста.

Ол курдук, түүҥҥү охранник киэһээ тутууну кэрийэн көрө сылдьан, сыбаайаҕа анаан  (12-15 миэтэрэ дириҥнэх) дьөлө үүттэммит сиргэ түстэ.

ЫБММ быыһааччылара тута быһылаан тахсыбыт сиригэр тиийэннэр, альпинистар  тэриллэрин туһанан эмсэҕэлээбит киһини быыһаатылар.
Быыһааччы  Емельян Николаев  аллараа түһэн страховочнай быанан дириҥҥэ түспүт киһини таһаарбыт. Бу үлэҕэ быыһааччылар Трифонов Георгий,   Алексей Бублей үлэлээтилэр.