Быыһааччылар Алдан оройуонугар сүппүт киһини көрдүүллэр

Алдан оройуонун Ыллымах сэлиэнньэтигэр биэс быыһааччы көрдүү сылдьар бөлөххө күүс-көмө буола тиийдэ.

Бүгүн, атырдьах ыйын 26 күнүгэр, Саха сирин быыһыыр сулууспатын Алданнааҕы ПСО быыһааччылара Ыллымах өрүс кытылынан 12 км сири чинчийдилэр, нэһилиэк быраҕыллыбыт тутууларын чинчийдилэр.

«Нэһилиэк тулата олус хойуу ойуурдаах, үрдүк сирдэрдээх. Өрүһү бэйэтин чинчийдибит, билигин уута аҕыйах буолан, кытылтан түгэҕэ чуолкайдык көстөр. Билиҥҥитэ сүппүт киһи суола-ииһэ көстө илик», — диир Быыһыыр сулууспа аэромобильнай көрдүүр-быыһыыр биригээдэтин быыһааччыта Иван Афанасьев.

Санатан суруйдахха, 1964 сыллаах төрүөх киһи Алдан оройуонун Ыллымах сэлиэнньэтигэр баар Өрөспүүбүлүкэтээҕи кырдьаҕастар уонна инбэлииттэр анал пансионаттарыттан атырдьах ыйын 22 күнүгэр киэһэ 18 чаас 30 мүнүүтэҕэ тахсан барбыт, баччааҥҥа диэри ханна баара биллибэт, диэн СӨ быыһыыр сулууспатын телеграм-ханаала иһитиннэрэр.