Быыһааччылар балыксыттарга көмөлөстүлэр

Бүгүн, олунньу  16 күнүгэр,  03.48 ч.  «112» суһал нүөмэргэ, Жатай бөһүөлэгин  чугаһыгар, арыыга, массыыналаах балыксыттар хаайтарбыттарын туһунан иһитиннэрии киирбит.

Тута СӨ Быыһыыр сулууспатын быыһааччылара Жатай бөһүөлэгин полицейскайдарын кытары ыйыллыбыт сиринэн көмөҕө барбыттар. Быыһааччылар бөһүөлэктэн 600 м. сиргэ баар арыыга массыына  хаарга батыллан турарын булбуттар.  Массыынаҕа суоппар баар эбит. Кини  кэпсээбитинэн, үс балыксыт бэйэлэрэ сатыы бөһүөлэккэ тиийэннэр, көмө ыҥырбыттар.

Массыыналаах киһини куттала суох сиргэ таһаарбыттар. Эр киһи мэдиссиинискэй көмөттөн акаастаммыт диэн СӨ Быыһыыр сулууспата иһитиннэрдэ.