Быыһааччылар бөлөҕө Абыйга ойуур баһаарын бохсууга көттө
16.07.2024, 21:12
![](https://sakha-sire.ru/wp-content/uploads/2024/07/fb62ea4bc312c8a263b863d863ce79e1b6a87905-1060x596.jpeg)
Хаартыска: Андрей Сорокин, СИА
Бөлөххө киир:
Дьокуускай куораттан быыһыыр сулууспа 20 үлэһитэ Абый улууһугар ойуур баһаарын бохсууга көттө.
Ил Дархан Айсен Николаев ыксаллаах быһыыны-майгыны сэрэтэр, туоратар уонна баһаартан куттал суох буолуутун хааччыйар хамыһыйа мунньаҕар туһааннаах сорудаҕы биэрдэ.
РФ ЫБММ аэромобильнай бөлөҕүн кытта «Авиалесоохрана» 6 баһаарынайа уонна «Якутлесресурс» 5 үлэһитэ ойуур баһаарын бохсууга үлэлиэхтэрэ. Маны таһынан, ЫБММ уунан ыһар бөртөлүөтэ үлэҕэ туһаныллыаҕа. Үлэ хаамыытын СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков салайар.
Баһаарынай сулууспа бөлөҕө Белай Гора бөһүөлэгин чугаһынан ойуур баһаарын умуруорууга үлэлиэҕэ. Билигин манна 900 га иэннээх сиргэ ойуур баһаара турбута биллэр. Улуус баһылыга Владимир Новиков иһитиннэриитинэн, ойуур баһаара булгунньахтарынан тахсан, уот күүскэ тыа үрдүнэн тарҕанар. «Бөһүөлэккэ уот киирбэтин туһугар үлэлиэхтээхпит», — диэн Айсен Николаев бэлиэтээтэ.
Ил Дархан баһаарынай сулууспа бөлөҕө тиийиэр диэри олохтоох күүстэринэн минерализованнай балаһаны кэҥэтэргэ, тиэхиньикэни, ол иһигэр водовозтары бэлэмнииргэ, ойуур баһаара чугаһаабыт бөһүөлэктэн дьону эвакуациялыырга сорудахтаата. Сиһилии манна аах.
+1
+1
+1
+1
+1
1
+1
+1
1
Сообщить об опечатке
Текст, который будет отправлен нашим редакторам: