Хаартыска: СИА.
Сэтинньи 7 күнүгэр Саха сирин Быыһыыр сулууспатыгар Өймөкөөн сэлиэнньэтиттэн 2,5 көстөөх сиргэ Индигиир өрүскэ үс эр киһи ууга түстэ диэн суһал иһитиннэрии киирбит. Бүгүн сарсыарда сүппүт дьону көрдүүргэ «Полярные авиалинии» хампаанньа «Ми-8» бөртөлүөтэ уонна Саха сирин Быыһыыр сулууспатын 6 быыһааччыта көттүлэр.
Бу быһылаан туһунан өрүскэ балыктыы сылдьыбыт дьон кураанах «Буран» турарын көрөн, тыллаабыттар. Иккис «Буран» Туостаах баазатыгар булуллубут. Өймөкөөн улууһун дьаһалтата иһитиннэрбитинэн, бу сиргэ үс эр киһи сэтинньи 5 күнүгэр балыктыы барбыттар эбит.
Өймөкөөн улууһунааҕы ыксаллаах быһыыны-майгыны сэрэтэр уонна баһаартан куттала суох буолууну хааччыйар хамыыһыйа бу сиргэ ыксаллаах быһыы-майгы эрэсиимин киллэрэргэ быһаарыныы ылла.
Ону тэҥэ, сэтинньи 8 күнүгэр, Абый улууһун Белая Гора бөһүөлэгиттэн 5 көстөөх сиргэ, Индигиир өрүскэ эмиэ быһылаан таҕыста. «Буранынан» айаннаан испит икки эр киһи тааҥнаабыт сиргэ кэлэн, ууга түспүттэр. Биир эр киһи бэйэтэ мууска тахсан баран, табаарыһын бэрт эрэйинэн таһаарбыт да, кыайан быыһаабатах.
Быыһыыр сулууспа иһитиннэрэр: билигин мууска айанныыр көҥүллэнэ илигинэ, ситэ тоҥо илик чараас мууска тахсар, ону ааһан, тырааныспарынан айанныыр олус кутталлаах уонна киһи өлүүлээх быһылааҥҥа тиэрдиэн сөп.
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…