Быыһааччылар Капитоновкаҕа сүппүт 13 саастаах уолу буллулар

От ыйын 25 күнүгэр быыһааччылар Капитоновкаҕа сүппүт 13 саастаах оҕону буллулар. Бу туһунан Саха сиринээҕи Быыһыыр сулууспатын пресс-сулууспата иһитиннэрэр.

Тулагы уонна Капитоновка икки ардыларынааҕы сиргэ уол сүппүтүн туһунан иһитиннэрии киэһэ 19:35 чааска киирбит. Оҕо төрөппүттэрин кытта олорор пиэрмэттэн күнүс 16:00 чаас саҕана тахсан барбыттар.

Оҕону көрдүүргэ быыһааччылар тутатына тахсыбыттар. Киэһэ 19:45 чааска көрдүүр үлэ тэриллибит, быыһааччылар икки бөлөххө хайдан, тыаны кэрийбиттэр. Киэһэ 21:07 чааска уолу дьиэтин таһыттан чугас, үрэх аттыттан, булбуттар. Бөлөх салайааччыта Трофим Иванов эппитинэн, оҕо туруга үчүгэй, этэҥҥэ.