Быыһааччылар Кэбээйи улууһугар сүппүт дьиэ кэргэни көрдүү көттүлэр

Бүгүн, атырдьах ыйын 15 күнүгэр, 16:00 чааска Дьокуускайтан “Полярные авиалинии” бөртөлүөтүнэн Саха сиринээҕи быыһыыр сулууспа бөлөҕө Кэбээйи улууһугар сүппүт дьиэ кэргэни көрдүү көттө.

Эрдэ этиллибитинэн, атырдьах ыйын 9 күнүгэр Сэбээн Күөл сэлиэнньэтиттэн араҕан баран түөрт киһилээх дьиэ кэргэн сүттэ диэн иһитиннэрбиттэрэ.

Кэргэнниилэр 2012 уонна 2019 сылллаахха төрөөбүт оҕолорун илдьэ “Урал” массыынанан Сиэгэн Күөл сэлиэнньэтин туһаайыытынан барбыттар. Кинилэри Ньора өрүскэ билэр киһилэрэ көрсүөхтээх эбит. Эр киһи болдьоспут миэстэлэригэр тиийэн атырдьах ыйын 12 күнүгэр күүтэ сатаабыт да, кэлбэтэхтэр.

Уһун ардахтар түһэн, олохтоох өрүстэргэ уу таһыма тахсыбыт диэн этэллэр.

Атырдьах ыйын 12 күнүттэн сүппүт дьону аймахтара көрдөөн саҕалаабыттар. Бу туһунан СӨ Быыһыыр сулууспатын телеграм ханаалыгар суруйаллар.