Быыһааччылар Кэбээйигэ ракета тобоҕун көрдүүллэр

Быыһааччылар бөлөхтөрө Кэбээйи оройуонугар ракета тобохторун булан аҕала бардылар. Кинилэр маннык үлэҕэ аналлаах сөптөөх тэриллэринэн хааччыллыылаахтар диэн СИА суруйар.

— Былырыын Кэбээйи оройуонугар биһиги үлэһиттэрбит ракета түспүт тобоҕун быһыллыбыт эттиктэрин булан, тиэйэн аҕалбыттара. Суола-ииһэ суох, ыраах сытар сир буолан уонна үчүгэй күн-дьыл туран биэрбэккэ, сорох чаастарын аҕалыыга уустуктары көрсүбүппүт. Онон үлэни хойуккуга көһөрөргө күһэллибиппит, — диэн СӨ быыһыыр сулууспатын начаалынньыгын эбээһинэһин толорооччу Василий Тарскай иһитиннэрдэ.

Онон бу ракета тобоҕо былырыыҥҥы буолар.