Быыһааччылар ыалдьыбыт киһини маһы кэрдибит сиртэн буллулар

Эмсэҕэлээччи туһунан иһитиннэрии балаҕан ыйын 25 күнүгэр 112 сулууспа эпэрээтэриттэн 18:30 чааска киирбитэ, диэн иһитиннэрэр СӨ Быыһыыр сулууспата.

Эр киһи Намныыр тыраак 46 км ойууругар баарын, иһэ улаханнык ыалдьарын, кыайан хаампатын туһунан эппиттэрэ. Эмчиттэр суол куһаҕан буолан, киниэхэ кыайан тиийбэтэхтэр.

Сонно миэстэтигэр быыһааччылар дьуһуурунай симиэнэлэрэ айаннаабыта. Эмсэҕэлээччини Нам тыраагын 46 км-гар сирин-уотун ойуулаан биэрбитинэн, ойуурга мас кэрдибит сиргэ баарын булан ылбыттара. Быыһааччылар кинини көрөн-истэн баран, тыраассаҕа таһааран суһал көмө эмчиттэригэр туттарбыттар.